سر إجبار عبد الحليم حافظ لعمر الشريف على الغناء و ما هي قصة الأغنية المجهولة

138 عدد المشاهدات

Thanks! Share it with your friends!

You disliked this video. Thanks for the feedback!

Published Feb 24, 2021

فى الحلقة دى هنتعرف على
سر اصرار عبدالحليم حافظ على غناء عمر الشريف بعد سماع صوته وايه هو مصير اغنيته الوحيدة اللى محدش يعرف عنها اى حاجه
كتير مننا مايعرفش ان كان في علاقه صداقة قويه جدا بين النجم الكبير عمر الشريف والعندليب الاسمر عبد الحليم حافظ العلاقه دى بدات لما اشتغلوا سوا فى فيلم ايامنا الحلوه مع فاتن الحمامه وبعد الفيلم دا بدأت الصداقه القويه جدا بينهم
لحد ما يوم من الايام اتقابلوا سنه 1970 فى لندن
ولانهم كانوا دايما على اتصال ببعض عرفوا انهم فى بلد واحد
وكان عبد الحليم بيجرى الفحوصات الطبية السنويه مع بليغ حمدى ولما عرف عمر الشريف اصر انه يزوره فى جناحه فى فندق ويستبرى
عمر طلب من حليم انه يحضرله احدث اغانيه عشان يسمعوها سوا
عمر الشريف قعد يسمع اغانى عبد الحليم حافظ باهتمام شديد جدا وكمان كان بيعيد بعض المقاطع اكتر من مره لا وكمان نسى نفسه وفضل يدندن بعض
كلمات الاغانى دا خلى عبد الحليم يندهش جدا لدرجه انه قفل الكاسيت
لان عمركان بيتمتع بصوت جزاب
العندليب طلب منه انه يردد الكلام اللى سمعه بس بطريقه الغنا مش بطريقه الكلام
عمر احمر وشه من الخجل وقاله
معقوله اغنى ياحليم وانت موجود
ولا ايه يابليغ ....؟؟؟
المفاجاة ان بليغ حمدي ايد كلام عبد الحليم ساعتها عشان كدا راح الخجل من عمر ، وبدا یغنی وگائنه مطرب محترف كمان لفت اداؤه الصحيح نظر عبد الحليم وبليغ ،
وكان كل الموجودين مستغربين جداعشان كدا قال حليم لعمر
: انت لازم تغنی وادى بليع موجود يعمل لك لحن ، وتسجله علي اسطوانه ...
ضحك عمر .. ورد عليه وقاله اغني ازای وانت موجود
وقاله اه قول كدا انت عايز الجمهور يضربنى وتخلص منى عشان معملش افلام اجنبية تانى
وضحك كل اللى كان موجود على قفشة عمر
الغريب ان اصرار عبد الحليم حافظ خلى عمر الشريف يوافق على التجربه بس كان شرطه الوحيد انه يسمع الاغنيه عدد كبير من الاصدقاء الاول ويقولوا رايهم قبل ميسمعها الناس
وفعلا أعد بلیغ الكلمات واللحن وسجل موسیقی اللحن في واحد من استوديوهات لندن وسافر وسجل عمر الاغنيه بطريقة ) فورد تراك
وهی أنه هيغني على اللحن بعد تسجيله
عمر سمع الاغنيه للاصدقاءه المقربين ولحد دلوقتى محدش يعرف مصير الاغنيه وهل هى اتعدمت او هى موجوده مع حليم او بليغ او عمر الشريف
رحمة الله عليهم جميعا
#حكايات_خلف_الكواليس
#حليم
#عبد_الحليم_حافظ
#روتانا_كلاسيك
تابعوا حكايات خلف الكواليس على روتانا كلاسيك